វគ្គសាមគ្គីអូឡាំពិកស្តីពី«គ្រូបង្វឹកកីឡាតេក្វាន់ដូ WT ថ្នាក់ជាតិ កាលពីព្រឹកថ្ងៃចន្ទ ទី២៧ ខែឧសភា ឆ្នាំ២០២៤ បន្ទាប់ពីដំណើរការសិក្សាតាំងពីថ្ងៃទី២១ ខែឧសភា នាស្នាក់ការគណៈកម្មាធិការជាតិអូឡាំពិកកម្ពុជា ក្រោមការគាំទ្រពីគណៈកម្មាធិការអូឡាំពិកអន្តរជាតិ និងសហព័ន្ធកីឡាតេក្វាន់ដូអន្តរជាតិ។ ។
លោក ជាតិ ខេមរា អគ្គលេខាធិការសហព័ន្ធតេក្វាន់ដូកម្ពុជា និងជាគ្រូបង្វឹកតេក្វាន់ដូជម្រើសជាតិកម្ពុជាបង្ហាញថា វគ្គបណ្តុះបណ្តាលស្តីពី«គ្រូបង្វឹកតេក្វាន់ដូ WT ថ្នាក់ជាតិនេះបានចាប់ផ្តើមកាលពីថ្ងៃទី២១ ដល់ថ្ងៃទី២៧ ខែឧសភា ឆ្នាំ២០២៤ ដែលបានអនុវត្តទ្រឹស្តី និងអនុវត្តជាក់ស្តែងផ្ទាល់នៅកន្លែង៣ផ្សេងគ្នា។
វគ្គបណ្តុះបណ្តាលនេះបង្រៀនដោយអ្នកស្រី Byung Hee Kim អ្នកជំនាញអន្តរជាតិមកពីសហព័ន្ធកីឡាតេក្វាន់ដូអន្តរជាតិ និងលោក ឆយ យ៉ុងសុក គ្រូបង្វឹកតេក្វាន់ដូជម្រើសជាតិកម្ពុជាដែលមានសិក្ខាកាមចំនួន២៥រូប ក្នុងនោះនារី៨រូបមកពី៤ខេត្ត-រាជធានីផ្សេងចូលរួមសិក្សា។ ជាលទ្ធផលនៃការសិក្សា សិក្ខាកាមចំនួន១៥រូបទទួលបាននិទ្ទេសល្អ និងសិក្ខាកាម១០រូបទទួលបាននិទ្ទេសមធ្យម។
