ខ្សែប្រយុទ្ធឆ្នើម Cristiano Ronaldo របស់ក្រុម Juventus ប្រធានក្រុម Barcelona Lionel Messi អតីតខ្សែប្រយុទ្ធប្រេស៊ីល Ronaldinho និង កីឡាករឆ្នើម Mohamed Salah របស់ក្រុមហង្សក្រហម Liverpool ត្រូវបានជ្រើសរើសជាបេក្ខភាព៤រូប សម្រាប់ពានកីឡាករល្អបំផុតប្រចាំសតវត្សរ៍ទី២១ នៅក្នុងព្រឹត្ដការណ៍ Globe Soccer Awards នៅទីក្រុងឌូបៃ បន្ទាប់ពីឆ្លងកាត់ការបោះឆ្នោតដោយ អ្នកគាំទ្រជាង៨លាននាក់ ទូទាំងពិភពលោក មកពីជាង២៣០ប្រទេសផ្សេងគ្នា។
ការប្រកាសជ័យលាភី នឹងធ្វើឡើងនៅថ្ងៃទី២៧ ខែធ្នូ ឆ្នាំ២០២០ ហើយនេះជាលើកដំបូងក្នុងរយៈពេល១០ឆ្នាំ ដែលបេក្ខភាពវគ្គផ្ដាច់ព្រ័ត្រ ត្រូវបានជ្រើសរើសដោយអ្នកគាំទ្រ។
Ronaldo និង Messi ក៏មានឈ្មោះក្នុងចំណោមបេក្ខភាពពានរង្វាន់កីឡាករល្អបំផុតប្រចាំឆ្នាំ ២០២០ ជាមួយកំពូលខ្សែប្រយុទ្ធ Robert Lewandowski របស់ Bayern Munich ផងដែរ។
ក្លិបយក្សអេហ្ស៊ីប Al Ahly ត្រូវបានបញ្ចូលឈ្មោះក្នុងបញ្ជីបេក្ខភាពផ្ដាច់ព្រ័ត្រ ពានរង្វាន់ក្លិបល្អបំផុតប្រចាំសតវត្សរ៍ ត្រូវប្រជែងជាមួយ Bayern Munich, Barcelona និង Real Madrid។
សម្រាប់ពានក្លិបល្អបំផុតប្រចាំឆ្នាំ២០២០ មានការចូលរួមពី ក្រុមជើងឯក UEFA Champions League Bayern Munich ជើងឯកលីគកំពូលអេស្ប៉ាញ Real Madrid និង ជើងឯកលីគកំពូលអង់គ្លេស Liverpool។
ពានរង្វាន់សរុបក្នុងព្រឹត្តិការណ៍ Dubai Globe Soccer Awards រួមមាន៖
- កីឡាករប្រចាំសតវត្សរ៍(Player of the century)៖ Cristiano Ronaldo, Lionel Messi, Ronaldinho និង Mohamed Salah
- គ្រូបង្វឹកប្រចាំសតវត្សរ៍(Coach of the century)៖ Alex Ferguson, Pep Guardiola, Jose Mourinho និង Zinedine Zidane
- ក្លិបប្រចាំសតវត្សរ៍(Club of the century)៖ Al Ahly, Bayern Munich, Barcelona និង Real Madrid
- ភ្នាក់ងារកីឡាករប្រចាំសតវត្សរ៍(Agent of the century)៖ Giovanni Branchini, Jorge Mendes និង Mino Raiola
- កីឡាករប្រចាំឆ្នាំ ២០២០(The 2020 player of the year)៖ Cristiano Ronaldo, Lionel Messi និង Robert Lewandowski
- ក្លិបប្រចាំឆ្នាំ ២០២០(The 2020 club of the year)៖ Bayern, Liverpool និង Real Madrid
- គ្រូបង្វឹកប្រចាំឆ្នាំ ២០២០(The 2020 coach of the year)៖ Gian Piero Gasperini (Atalanta), Hansi Flick (Bayern) និង Jurgen Klopp (Liverpool)៕
