ក្លិបបាល់ទាត់ចំនួន៤របស់ប្រទេសប្រ៊ុយណេ រួមមាន DPMM FC, Indera SC, Kasuak FC និង Kota Ranger FC បានទទួលអាជ្ញាប័ណ្ណក្លិបអាជីពពីសហព័ន្ធកីឡាបាល់ទាត់ទ្វីបអាស៊ី (AFC Club Licensing)។
នេះមានន័យថាក្លិបទាំង៤ខាងលើនឹងអាចចូលលេងពានរង្វាន់ដែលរៀបចំដោយសហព័ន្ធកីឡាបាល់ទាត់ទ្វីបអាស៊ីបាន។
ប្រធានសហព័ន្ធកីឡាបាល់ទាត់ប្រ៊ុយណេ លោក Pengiran Matusin Pengiran Matasan មានប្រសាសន៍ថា៖ «ខ្ញុំសង្ឃឹមថាក្លិបទាំងនេះនឹងដំណើរការការងាររដ្ឋបាលនិងគ្រប់គ្រងយ៉ាងអាជីព។ មកទល់ពេលនេះ មានកម្មវិធីចែករំលែកចំណេះដឹងយ៉ាងច្រើនពីទីប្រឹក្សារបស់ពួកយើងអំពីរដ្ឋបាលនិងការគ្រប់គ្រង»៕
