ម្ចាស់ស្រោមដៃមាសពាន U18 គិតថា កម្ពស់ជាបញ្ហាមួយរារាំងខ្លួនមិនបានជាប់ជម្រើសជាតិ

Sovann Tith
3 មើល
0 នាទីអាន

អ្នកចាំទីវ័យក្មេង គឹម ចាន់ធី សារភាពថា មានភាពអាក់អន់ស្រពន់ចិត្តខ្លះដែរដែលមិនមានឱកាសជាប់ជម្រើសជាតិ U19 ដូចគេ ទោះបានរួមចំណែកជួយក្រុមយុវជនភ្នំពេញក្រោន ឈ្នះជើងឯក U18 របស់សហព័ន្ធបាល់ទាត់កម្ពុជានាពេលថ្មីៗនេះ។

យ៉ាងណា កីឡាករមានប្រភពពីស្រុកស្អាង ខេត្តកណ្ដាល គិតថា កម្ពស់អាចជាកត្តារារាំងមួយដែរ ព្រោះសង្កេតឃើញថា បេក្ខជនចាំទីដែលត្រូវបានជ្រើសរើសធ្វើតេស្ដបច្ចុប្បន្នសុទ្ធតែជាអ្នកខ្ពស់ៗ ខណៈរូបគេផ្ទាល់មានកម្ពស់ត្រឹម១ម៉ែត្រ៧០។

សមាជិក U18 ភ្នំពេញក្រោនរៀបរាប់បែបនេះ “៖អន់ចិត្តខ្លះដែរ យើងខំប្រឹងហើយ តែអត់មានឱកាស។ តែយ៉ាងណាក៏មិនអីដែរ ខ្ញុំនៅតែប្រឹងហាត់នៅក្លិបខ្ញុំ។ តែម្យ៉ាងក៏អាចមកពីកម្ពស់ដែរ ព្រោះឃើញគេយកទៅជម្រើសជាតិសុទ្ធតែខ្ពស់ៗ។”

គួរដឹងដែរថា គឹម ចាន់ធី បានចូលហ្វឹកហាត់នៅថ្នាលយុវជនភ្នំពេញក្រោនតាំងពីឆ្នាំ២០១៣៕

រូបភាព ៖ Cambodian Youth Football

ចែករំលែកអត្ថបទនេះ
Follow:
ជានិពន្ធនាយករងព័ត៌មានកីឡា លោក ទិត្យ សុវណ្ណ (Tith Sovann) បានប្រលូកនៅតាមស្ថាប័នធំៗយ៉ាងច្រើនទាំងទូរទស្សន៍ និងបណ្ដាញសង្គម ក្នុងនាមជាអ្នកយកព័ត៌មានកីឡា, អ្នកប្រែសម្រួល និងអ្នកអត្ថាធិប្បាយ។ លោកមានទំនាក់ទំនងស្អិតរមួតជាមួយអង្គភាព និងក្លិបកីឡានានានៅកម្ពុជា ដែលគុណសម្បត្តិទាំងអស់នេះនឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ៕