គ្រូបង្គោលក្លិបបាល់ទាត់ណាហ្គាវើលដ៍ លោក មាស ចាន់ណា ប្រាប់ថា គ្រួសាររបស់លោកបានយំស្ដាយស្រណោះពេញផ្ទះ ក្រោយឆ្កែដែលខំចិញ្ចឹមបីបាច់ចំនួនពីរក្បាលបានបាត់នៅតាមផ្លូវទៅខេត្តកំពង់ស្ពឺ កាលថ្ងៃចន្ទ ទី១២ ខែតុលា។
ហេតុការណ៍នេះកើតឡើងក្រោយ លោក មាស ចាន់ណា ព្យាយាមជម្លៀសសត្វចិញ្ចឹមទាំងពីរទៅស្រុក ព្រោះគេហដ្ឋាននៅភ្នំពេញត្រូវទឹកជន់លិចដោយសារភ្លៀងប៉ុន្មានថ្ងៃចុងក្រោយនេះ។ តែជាការគួរឲ្យស្ដាយ ពេលធ្វើដំណើរតាមផ្លូវ ឆ្កែទាំងពីរបានលោតចុះ ហើយក៏រកមិនឃើញតែម្ដង។
គ្រូបង្វឹកកាន់ A-License លម្អិតបែបនេះ “៖ចិញ្ចឹម៥ខែហើយ។ អាណិតវាណាស់! ខ្លាចវាងាប់ អ៊ីចឹងខំថា យកទៅស្រុកពីរបីថ្ងៃ ចាំទឹកស្រក សឹមយកមកភ្នំពេញវិញ ប៉ុន្តែពួកវាលោតចេញពីឡាន មិនដឹងដល់ណាណីទេ។ អ្នកផ្ទះយំពេញផ្ទះ។”
លោក មាស ចាន់ណា ក៏បានប្រកាសលើគណនី Facebook ផ្ទាល់ខ្លួនផងដែរ៕
