បាល់បោះអាមេរិកឡើងផ្ដាច់ព្រ័ត្រយកមេដាយមាសអូឡាំពិក ២០២០
ក្រុមបាល់បោះជម្រើសជាតិអាមេរិកបានឡើងដល់វគ្គផ្ដាច់ព្រ័ត្រអូឡាំពិក ២០២០ ក្រោយឈ្នះក្រុមអូស្ត្រាលី ដោយលទ្ធផល ៩៧ទល់នឹង៧៨ ក្នុងវគ្គពាក់កណ្ដាលផ្ដាច់ព្រ័ត្រនៅថ្ងៃព្រហស្បតិ៍ ទី០៥ ខែសីហា ឆ្នាំ២០២១នេះ។
គូប្រកួតវគ្គពាក់កណ្ដាលផ្ដាច់ព្រ័ត្រមួយគូទៀតនឹងប្រព្រឹត្តទៅនៅរាត្រីថ្ងៃដដែលនេះរវាងជម្រើសជាតិបារាំង និងស្លូវេនី។
ដូច្នេះអាមេរិករង់ចាំប្រកួតយកមេដាយមាស ខណៈអូស្ត្រាលីត្រូវបន្តទៅប្រកួតយកមេដាយសំរឹទ្ធ៕
