ពានរង្វាន់សម្ដេចអគ្គមហាសេនាបតីតេជោហ៊ុនសែនរដូវកាល២០២២ នឹងចាប់ផ្ដើមនៅដើមខែកុម្ភៈខាងមុខនេះហើយ។ នេះបើតាមសេចក្ដីវប្រកាសរបស់ក្រុមហ៊ុនខេមបូឌានព្រីមៀរលីគដែលមានលោក Satoshi Saito ជានាយកប្រតិបត្តិ។
ខុសពីរដូវកាលមុនបន្តិច ពានសម្ដេចហ៊ុនសែនរដូវកាលនេះ បែងចែកជា៣ដំណាក់កាល។
ដំណាក់កាលទី១ គឺថ្នាក់ខេត្ត ចាប់ផ្ដើមពីថ្ងៃទី៨ខែកុម្ភៈដល់ថ្ងៃទី១១ខែមិថុនាឆ្នាំ២០២២។ ជុំថ្នាក់ខេត្ត មាន១៧ក្រុមចូលរួមប្រកួតប្រជែងក្នុងឆ្នាំនេះ។
ដំណាក់កាលទី២ វគ្គជម្រុះថ្នាក់ជាតិ ចាប់ផ្ដើមពីថ្ងៃទី២១ខែមិថុនាតទៅ។
ដំណាក់កាលទី៣ គឺថ្នាក់ជាតិ ចាប់ផ្ដើមពីថ្ងៃទី២០ខែកក្កដាតទៅ។
សូមរំឭកថា រដូវកាលមុន វិសាខា ជាជើងឯកពានសម្ដេចហ៊ុនសែនថ្នាក់ជាតិ ខណៈ កោះកុង ជាជើងឯកថ្នាក់ខេត្ត។ រដូវកាល២០២២នេះជាឆ្នាំទី១៦នៃពានសម្ដេចតេជោហ៊ុនសែន៕
