Manchester United នៅតែមានសង្ឃឹមថាខ្សែការពារស្លាបឆ្វេងជម្រើសជាតិប្រេស៊ីល Alex Telles នឹងអាចលេងបាននៅថ្ងៃសៅរ៍ទល់ West Brom ក្នុងក្របខ័ណ្ឌ Premier League បន្ទាប់ពីកីឡាករវ័យ២៧ឆ្នាំរូបនេះតេស្តកូវីដ១៩អវិជ្ជមាន។
មានសេចក្ដីរាយការណ៍ថាអតីតកីឡាករ FC Porto រូបនេះបានតេស្តវិជ្ជមានកូវីដ១៩កាលពីចុងសប្ដាហ៍មុនខណៈកំពុងបំពេញភារកិច្ចសម្រាប់ក្រុមជម្រើសជាតិប្រេស៊ីល។
ប៉ុន្តែសហព័ន្ធកីឡាបាល់ទាត់ប្រេស៊ីលបាននិយាយថា Telles នឹងធ្វើដំណើរជាមួយក្រុមទាំងមូលនៅថ្ងៃអង្គារ បន្ទាប់ពីតេស្តលើកទី២អវិជ្ជមាន។
Man Utd បាននិយាយថាពួកគេនឹងវាយតម្លៃលើស្ថានភាពរបស់ Telles ពេលខ្សែការពាររូបនេះត្រលប់មកដល់ក្លិបវិញ។
Telles ជាអតីតសមាជិក Juventude, Gremio, Galatasaray និង Inter Milan បានផ្លាស់ពី Porto មកចូលរួម Man Utd ក្នុងខែតុលាកន្លងទៅលើកិច្ចសន្យា៤ឆ្នាំ៕
