អ្នកស្រី សាម៉ន មកពីស្រុកកៀនស្វាយ ខេត្តកណ្ដាល ប្រាប់ថា តែងតែទៅស្រែកហ៊ោលើកទឹកកូនប្រុស និងក្មួយប្រុសដែលជាកីឡាករប្រចាំក្រុមវិទ្យាល័យជ័យវរ្ម័នទី០៧ ក្នុងការប្រកួតពានរង្វាន់ AIA ជើងឯកវិទ្យាល័យ២០២៣។
ស្ត្រីជាកសិករខាងលើបញ្ជាក់ថា មិនមែនតែការប្រកួតនេះមួយទេ ពោលឱ្យតែកូនៗចេញទៅប្រកួតនៅទីណា អ្នកស្រី និងសមាជិកផ្សេងៗទៀត តែងតែឆ្លៀតពេលទៅទស្សនា និងលើកទឹកចិត្ត មិនថា ជិតឬឆ្ងាយ។
អ្នកស្រី សាម៉ន សង្កត់ធ្ងន់ថា ការដែលនាំគ្នាទៅលើកទឹកចិត្តកូន និងក្មួយបែបនេះ ក៏ដោយសារតែចង់ឱ្យពួកគេមានកម្លាំងចិត្ត ហើយណា សមាជិកគ្រួសារក៏សុទ្ធតែជាអ្នកចូលចិត្តកីឡាផងដែរ ដូច្នេះមិនខ្លាចខាតបង់ការងារទេ៕
