បច្ចុប្បន្នការចូលរួមគាំទ្រពីសំណាក់ឪពុកម្ដាយក្នុងសកម្មភាពកីឡារបស់កូនៗ ហាក់មានសន្ទុះកាន់តែខ្លាំងឡើងៗ។ ជាក់ស្ដែងលោក ឈួន ចាន់មករា មកពីសង្កាត់ទួលសង្កែ ខណ្ឌឫស្សីកែវ មានកូនស្រី២នាក់លេងកីឡាបាល់ទះ។ លោកតែងតែទៅមើលការប្រកួតរបស់ពួកគេ ព្រោះគិតថា ការលេងកីឡាពិតជាល្អសម្រាប់សុខភាព។
ចំណែកអ្នកស្រី វណ្ណារី មកពីទួលសង្កែមានកូនលេងកីឡាហែលទឹក។ អ្នកស្រីមើលឃើញថា កីឡានេះពិតជាល្អខ្លាំង។
មិនខុសពីអ្នកស្រី វណ្ណារី គឺ អ្នកស្រី សុខ កញ្ញា ដែលមានកូនលេងកីឡាហែលទឹកដែរនោះ បានបង្ហាញអារម្មណ៍រីករាយខ្លាំងពេលមកទស្សនាកូនៗប្រកួតម្ដង។
ទាំងលោក ឈួន ចាន់មករា អ្នកស្រី វណ្ណារី និង អ្នកស្រី សុខ កញ្ញា រំពឹងថា ឪពុកម្ដាយនឹងគាំទ្រសកម្មភាពទាំងនេះរបស់កូនៗដូចគ្នាដែរ៕
