ទស្សនិកជននឹងត្រូវបានអនុញ្ញាតត្រលប់ចូលទស្សនាបាល់ទាត់ក្របខណ្ឌម៉ាឡេស៊ីឡើងវិញចាប់ពីថ្ងៃទី០១ ខែមករា ឆ្នាំ២០២១ ក្រោមលក្ខខណ្ឌជាក់លាក់។
ការប្រកាសនេះត្រូវបានប្រកាសដោយលោក Datuk Seri Ismail Sabri Yaakob ទេសរដ្ឋមន្រ្តី និងរដ្ឋមន្ត្រីក្រសួងសន្តិសុខម៉ាឡេស៊ី កាលចុងសប្ដាហ៍។
ទោះយ៉ាងណាលោកបានសង្កត់ធ្ងន់ថា ការអនុញ្ញាតនេះនឹងអាស្រ័យលើការគ្រប់គ្រងនៅតំបន់់ដែលពាក់ព័ន្ធ និងកន្លែងដែលអនុវត្តបទបញ្ជាត្រឹមត្រូវ។
អ្នកទស្សនាអតិបរមា គឺ ៤.០០០នាក់ ឬ ១០% នៃចំនួនអ្នកទស្សនាសរុប។
ពានរង្វាន់លីគកំពូលម៉ាឡេស៊ីនឹងចាប់ផ្តើមនៅថ្ងៃទី២៦ ខែកុម្ភៈឆ្នាំ ២០២១៕
