អ្នកប្រដាល់ចាស់វស្សា សុខ សុវណ្ណ បានធ្លាក់ខ្លួនឈឺដោយសារជំងឺគ្រុនឈាមនាពេលថ្មីៗនេះ។ នេះបើតាមការបង្ហោះពីលោក ធន់ សុភា គ្រូបង្វឹកប្រចាំសមាគមកីឡាប្រដាល់កងយោធពលខេមរភូមិន្ទ។
ដើម្បីជាការរួមចំណែកជួយសិស្សច្បងខាងលើ អ្នកប្រដាល់រួមក្លិបមានមូលដ្ឋាននៅស្តាតចាស់បានរៃអង្គាសថវិកាបានមួយចំនួនផងដែរ។
លោក ធន់ សុភា សរសេរលើគណនី Facebook បែបនេះ “៖លោកគ្រូសប្បាយចិត្តណាស់ឃើញកូនសិស្សចេះជួយគ្នា កូនសិស្សខ្ញុំរៃលុយគ្នាជួយសិស្សច្បង សុខ សុវណ្ណ ដែលមានជំងឺគ្រុនឈាម? កីឡាករ សុខ សុវណ្ណ សម្រាកព្យាបាលនៅមន្ទីរពេទ្យ លោកគ្រូពេទ្យតូចចិត្តធម៌ អរគុណលោកគ្រូពេទ្យតូច♥️ ដែលបានព្យាបាលជំងឺ ?ហើយអត់យកលុយ??????។”
គួរដឹងដែរថា សុខ សុវណ្ណ បានប្រលូកលើរេញគុនខ្មែរខ្ទង់១០ឆ្នាំមកហើយ តែជីវភាពរបស់គេហាក់មិនសូវធូរធាដូចអ្នករួមអាជីពមួយចំនួនទេ៕
