បើតាមប្រភពស្និទ្ធមួយឲ្យដឹងថា ខ្សែប្រយុទ្ធប្រេស៊ីល Cristiano Santos ដែលទើបចាកចេញពីអង្គរថាយហ្គឺរថ្មីៗនេះត្រៀមចូលរួមក្លិបមួយក្នុងចំណោមក្រុមកំពូលទាំង៦ (Top 6) នៅជុំទីពីរ ក្របខណ្ឌកំពូលកម្ពុជា ខាងមុខ។
កីឡាករវ័យ៣២ឆ្នាំត្រូវបានប្រកាសចាកចេញពីអង្គរថាយហ្គឺរជាទីរូបគេចំណាយពេលនៅជុំទីមួយ និងរកបាន៦គ្រាប់។
គួរដឹងដែរថា អង្គរថាយហ្គឺរបានអនុញ្ញាតឲ្យកីឡាករបរទេសពីររូបចាកចេញហើយថ្មីៗនេះ ដោយម្នាក់ទៀត គឺខ្សែប្រយុទ្ធនីហ្សេរីយ៉ា Dzarma Bata ដែលបានវិលទៅបឹងកេតលើលក្ខខណ្ឌខ្ចីដល់ចប់រដូវកាល។
ដោយឡែក គិតមកទល់ក្រុមមានមូលដ្ឋាននៅខេត្តសៀមរាបខាងលើមិនទាន់ប្រកាសពីការចូលរួមពីកីឡាករបរទេសថ្មីណានៅឡើយ ខណៈទីផ្សារដោះដូរជុំទីពីរ បានបិទកាលពីថ្ងៃទី៣០ ខែសីហា៕
រូបភាព ៖ Angkor Tiger
