ក្លិបបាល់ទាត់ Hoang Anh Gia Lai បានទទួលលទ្ធផលស្មើគ្នា១ទល់នឹង១ ជាមួយក្លិប Nam Dinh ក្នុងការប្រកួតពានរង្វាន់មិត្តភាពមួយកាលថ្ងៃអាទិត្យ ទី០៣ ខែមករា ឆ្នាំ២០២១ និងជាការប្រកួតលើកដំបូងសម្រាប់លោក Kiatisuk Senamuang ក្នុងនាមជាគ្រូបង្គោលថ្មីរបស់ HAGL។
សារព័ត៌មានវៀតណាម Zing ឲ្យដឹងថា HAGL មានឱកាសច្រើន តែបានរបូតមួយគ្រាប់មុននៅនាទី១៧ មុនតាមស្មើវិញនៅនាទី២១។
លោក Kiatisuk ដាក់សុទ្ធតែកីឡាករជម្រើសជាតិក្នុងឈុត១១នាក់ដំបូងដែលមាន Cong Phuong, Van Toan, Xuang Truong ជាដើម។
គួរដឹងដែរថា លោក Kiatisuk Senamuang បានចុះកិច្ចសន្យាដឹកនាំ Hoang Anh Gia Lai រយៈពេលពីរឆ្នាំដោយទទួលបាន២៦០០០ដុល្លារអាមេរិកក្នុងមួយខែ។ នេះជាលើកទី៣ហើយដែលលោកចូលដឹកនាំក្លិបវៀតណាមមួយនេះ ដោយដំបូងឡើយ ក្នុងឆ្នាំ២០០៦ និង២០១០ ក្រោយធ្វើជាកីឡាករពីឆ្នាំ២០០២ដល់ដើម២០០៦៕
