Chelsea ទិញបានខ្សែបម្រើ Kai Havertz ជាផ្លូវការហើយដោយចំណាយ៧១លានផោន (៧៩លានអឺរ៉ូ) លើកិច្ចសន្យា៥ឆ្នាំពី Bayer Leverkusen ធ្វើឲ្យគេក្លាយជាកីឡាករថ្លៃបំផុតទីពីរនៅ Stamford Bridge បន្ទាប់ពីអ្នកចាំទី Kepa Arrizabalaga ដែលមានតម្លៃ៨០លានអឺរ៉ូពី Athletic Bilbao កាលឆ្នាំ២០១៨។
ដំបូងឡើយ Leverkusen ទាមទារ១០០លានអឺរ៉ូ ប៉ុន្តែលោកស្រី Marina Granovskaia នាយកក្លិប Chelsea បានចរចាមកត្រឹម៧៩លានអឺរ៉ូដោយជោគជ័យ ក្រោយចំណាយរយៈពេលជាងពីរខែ។
ដូច្នេះ Havertz ក្លាយជាកីឡាករថ្មីទី៦នៅ Chelsea បន្ទាប់ពី Hakim Ziyech, Timo Werner, Ben Chilwell, Malang Sarr និងThiago Silva។
កាលពីមុន Christian Pulisic គឺជាកីឡាករថ្លៃជាងគេទីពីរក្នុងប្រវត្តិសាស្ត្រ Chelsea ដែលមានតម្លៃ៦៤លានអឺរ៉ូ ផ្ទេរពី Borussia Dortmund៕
