សមាគមបាល់ទាត់កងយោធពលខេមរភូមិន្ទបានបញ្ចូលខ្សែបម្រើ ជឿន ណាចារ និងកីឡាករវ័យក្មេងពីររូបទៀត គឺខ្សែការពារ កែវ ណារ៉ូ និងអ្នកចាំទី ស៊ឹម មេសា ចូលក្រុមធំសម្រាប់ការប្រកួតក្របខណ្ឌកំពូលកម្ពុជា ជុំទីពីរ រដូវកាល២០២០។
ណាចារ ដែលបានហ្វឹកហាត់ថ្នាលទ័ពតាំងពីដើមរដូវកាល២០២០នេះបានចំណាយពេលលេងឲ្យជម្រើសខេត្តកែបក្នុងពានសម្ដេចតេជោ ហ៊ុន សែន ថ្នាក់ខេត្ត និងបានប្រកួតតទល់ក្រុមដើមរបស់ខ្លួននាពេលថ្មីៗនេះដែរ។
ចំណែក កែវ ណារ៉ូ បានរួមរស់នៅយុវជនក្រុមមានមូលដ្ឋាននៅស្តាតចាស់ច្រើនឆ្នាំ៣ទៅ៤ឆ្នាំមកហើយ ខណៈស៊ឹម មេសា ដែលធ្លាប់ហ្វឹកហាត់នៅថ្នាលព្រះខ័នរាជស្វាយរៀង និងភ្នំពេញក្រោន ព្រមទាំងបានជាប់ U14 ជម្រើសជាតិផងនោះបានទៅហាត់នៅទ័ពនៅចុងជុំទីមួយ រដូវកាល២០២០៕
រូបភាព ៖ Tiffy Army
