Bayern Munich បានប្រកាសពីការតែងតាំងលោក Julian Nagelsmann ជាគ្រូបង្គោលថ្មីចាប់ពីថ្ងៃទី០១ ខែកក្កដា ឆ្នាំ២០២១ តទៅលើកិច្ចសន្យា៥ឆ្នាំ។
គ្រូបង្វឹកវ័យ៣៣ឆ្នាំដែលកំពុងដឹកនាំ RB Leipzig នឹងចូលជំនួសលោក Hansi Flick។ លោក Flick ដែលឈ្នះពាន៦គ្រឿងតាំងពីចូលជំនួសលោក Niko Kovac កាលខែវិច្ឆិកា ឆ្នាំ២០១៩ នឹងចាកចេញពីតំណែងគ្រូបង្គោល BayerN Munich នាដំណាច់រដូវកាល២០២០/២០២១នេះ។
សារព័ត៌មាន Goal ផ្សាយថា Bayern Munich បានយល់ព្រមបង់២៥លានអឺរ៉ូ ឬជិត៣០លានដុល្លារអាមេរិកដល់ RB Leipzig សម្រាប់ការនាំយកលោក Julian Nagelsmann៕
