លោក ដូមីនិក វីល្លៀម ឯកអគ្គរាជទូតចក្រភពអង់គ្លេសប្រចាំប្រទេសកម្ពុជាក្នុងនាមជាប្រជាជនអង់គ្លេសមានវិស័យបាល់ទាត់រីកចម្រើននោះ ក្នុងឱកាសជួបជុំសិស្សានុសិស្សប្រចាំសាលាបាល់ទាត់ Honda លោកបានលើកឡើងថាចង់បានក្រុមជម្រើសជាតិបាល់ទាត់មួយខ្លាំងទៅបាន គ្រប់គ្នាគួរតែនាំគ្នាយកចិត្តទុកដាក់លើអភិវឌ្ឍចំពោះយុវជនក្មេងៗបន្ថែមទៀត។
ឯកអគ្គរាជទូតវ័យ៣៧ដដែលបានបន្តថាយុទ្ធសាស្រ្តទាំងអស់នេះពិតជាហុចផលពិតមែន ជាក់ស្តែងដូចជាប្រទេសអាល្លឺម៉ង់ និងអង់គ្លេសជាដើម។ លើសពីនេះ បុរសសញ្ជាតិអង់គ្លេសរូបនេះសង្កេតឃើញថាកុមារៗក្នុងប្រទេសកម្ពុជាជាច្រើនពិតជាមានសមត្ថភាពល្អណាស់ ហើយលោកសង្ឃឹមថានៅថ្ងៃអនាគតបាល់ទាត់កម្ពុជានឹងអាចក្លាយជាក្រុមមួយដែលខ្លាំងមួយក្នុងតំបន់ផងដែរ។
លោក ដូមីនិក វីល្លៀម ថ្វីបើលោកមានការងារមមាញឹកយ៉ាងណាក៏លោកតែងតែចំណាយពេលជូនកូនៗរបស់លោកមកចូលរួមជាមួយសកម្មភាពបាល់ទាត់ជាប្រចាំជាមួយសាលាបាល់ទាត់ Sotilo ៕
