កីឡាការិនីមានពិការភាពឆ្នើមកម្ពុជា វ៉ិត ចន្ថា បញ្ជាក់ថា ការចូលរួមរត់ប្រណាំងក្នុងកម្មវិធី SuSu 10K Charity Run នាពេលថ្មីៗនេះ ដើម្បីជាការរក្សាគុណផលរបស់ខ្លួនផង និងចង់លើកទឹកចិត្តបន្ថែមទៀតដល់អ្នកមានពិការភាពដូចគ្នា។
ម្ចាស់មេដាយមេដាយមាសអាស៊ានប៉ារ៉ាហ្គេមប្រាប់ថា ការចូលរួមនេះ អ្នកស្រី និងសមាជិកដែលជាអត្តពលិកមានពិការភាពឯទៀតមិនផ្ដោតលើប្រាក់រង្វាន់ឡើយ ពោលចង់ជួបជុំសប្បាយរីករាយផង និងជាការលើកទឹកចិត្តអ្នកមានពិការភាពផង។
កីឡាការិនី វ៉ិត ចន្ថា បានចូលហ្វឹកហាត់កីឡាអត្តពលកម្មជនមានពិការភាពអំឡុងឆ្នាំ២០១៤ និងធ្លាប់ឈ្នះមេដាយប្រាក់ស៊ីហ្គេម ២០១៧ មេដាយមាស ២០២១ និង មេដាយមាស៣គ្រឿងតែម្ដងក្នុងឆ្នាំ២០២៣ដែលកម្ពុជាធ្វើជាម្ចាស់ផ្ទះ។
កីឡាការិនី វ៉ិត ចន្ថា មានបញ្ហាពិការភាពត្រង់ជើងតាំងពីអាយ១២ឆ្នាំម្ល៉េះ ដែលកាលណោះបានទៅជួយការងារម្ដាយជាកម្មករឡអិដ្ឋ៕
