កម្ពុជារៀបចំសិក្ខាសាលាអន្តរជាតិសំខាន់មួយត្រៀមឆ្ពោះធ្វើម្ចាស់ផ្ទះកិច្ចប្រជុំឧត្ដមមន្ត្រី និងរដ្ឋមន្ត្រីកីឡាអាស៊ាន

សិក្ខាសាលាពិគ្រោះយោបល់ស្ដីពីការកំណត់អាទិភាព និងកៀរគរធនធានសម្រាប់ផែនការការងារអាស៊ាន ស្ដីពីកីឡា ឆ្នាំ២០២៦-២០៣០ រៀបចំដោយក្រសួងអប់រំ យុវជន និងកីឡា បានចាប់ផ្ដើមដំណើរការហើយនៅព្រឹកថ្ងៃអង្គារ ទី៣១ ខែមីនា ឆ្នាំ២០២៦ នាសណ្ឋាគារកាំបូឌីយ៉ាណា រាជធានីភ្នំពេញ ដែលជាផ្នែកមួយនៃដំណើរឆ្ពោះទៅកិច្ចប្រជុំឧត្តមមន្ដ្រីកីឡាអាស៊ាន និងកិច្ចប្រជុំរដ្ឋមន្ដ្រីកីឡាអាស៊ាន នាចុងឆ្នាំ២០២៦ និងឆ្នាំ២០២៧ ដែលកម្ពុជានឹងធ្វើម្ចាស់ផ្ទះ។