អ្នកចាំទី Thibaut Courtois បានសង្គ្រោះបាល់គ្រោះថ្នាក់ជាច្រើនលើកដើម្បីជួយ Real Madrid ដែលអវត្តមានតួសំខាន់ច្រើនរូប ទទួលបាន១ពិន្ទុនៅទឹកដី Gatafe ក្នុងសប្ដាហ៍ទី៣១ La Liga យប់ថ្ងៃអាទិត្យទី១៨ខែមេសា។
ក្រុមលោក Zinedine Zidane បាត់កីឡាករស្នូលច្រើននាក់ដោយសាររបួស បម្រាម និងចត្តាឡីស័កព្រោះកូវីដ១៩។
ការស្មើនេះនាំឱ្យ Real មាន៦៧ពិន្ទុ នៅក្រោម Atletico Madrid ចំនួន៣ពិន្ទុ បន្ទាប់ពីក្រុមកំពូលតារាងបានលត់ Eibar ៥-០ ក្នុងផ្ទះ តាមរយៈគ្រាប់បាល់របស់ Angel Correa (៤២, ៤៤), Yannick Carrasco (៤៩) និង Marcos Llorente (៥៣, ៦៨)។
ចំណែក Barcelona មាន៦៥ពិន្ទុតែលេងតិចជាង១ប្រកួត ស្ថិតនៅលេខ៣ ខណៈ Sevilla លេខ៤ មាន៦៤ពិន្ទុ។ ឯ Villarreal លេខ៥ មាន៤៩ពិន្ទុ៕
