វិទ្យាល័យ ឧដុង្គ ដែលមានទីតាំងនៅឃុំវាំងចាស់ ស្រុកឧត្ដុង្គ ខេត្តកំពង់ស្ពឺ បានដំណើរការឈូសឆាយទីលានបាល់ទាត់របស់ខ្លួនដើម្បីរៀបចំស្មៅធម្មជាតិថ្មីងាយស្រួលដល់ការប្រកួតនានា។
បើតាមលោក ប៊ួយ ដារី អ្នកទទួលគម្រោងរៀបចំ បានប្រាប់ AMS Sports ថា ស្មៅដែលនឹងត្រូវបានដាំជាប្រភេទស្មៅល្អិត និងជាផលិតផលក្នុងស្រុក ឬភាសាបច្ចេកទេសហៅថា Local Permuda។
អ្នកជំនាញដដែលសង្កត់ធ្ងន់ថា ស្មៅប្រភេទ Local Permuda នេះស័ក្ដិសមនឹងទីលានតាមខេត្ត ងាយស្រួលថែទាំ និងមានតម្លៃសមរម្យ ។
សម្រាប់ការរៀបចំមានរយៈពេលមួយសប្ដាហ៍មកហើយ និងគ្រោងចំណាយពេលបញ្ចប់ក្នុងរយៈពេល៣ខែកន្លះ។ ក្រៅពីដាំស្មៅ ក៏មានរៀបចំប្រព័ន្ធបង្ហូរទឹក និងស្រោចស្រពកាន់តែល្អថែមទៀត៕
