អតីតខ្សែប្រយុទ្ធជម្រើសជាតិថៃ អាយុក្រោម១៩ឆ្នាំ Achitpol Keereerom បានចូលរួមជាមួយក្លិប FC Augsburg នៃក្របខណ្ឌកំពូលអាល្លឺម៉ង់ Bundesliga។
កីឡាករដែលឈានដល់វ័យ២០ឆ្នាំ ក្នុងខែតុលា ខាងមុខ ត្រូវបានបញ្ជូនទៅលេងក្នុងក្រុមបម្រុង Augsburg ជាមុនសិន។
បន្ទាប់ពីបានហ្វឹកហាត់ក្នុងក្រុមថ្នាល Bangkok Christian Collegeនិង Assumption College យុវជនមានកំណើតនៅរាជធានីបាងកក បានទៅហ្វឹកហាត់នៅអាល្លឺម៉ង់ ដោយចូលរួមជាមួយក្រុមថ្នាល SV Nettelnburg/Allermöhe, DFI Bad Aibling និង TSV 1860 Rosenheim។
ឆ្នាំ២០១៩ គេត្រូវបានដំឡើងចូលក្រុមធំ TSV 1860 Rosenheim រហូតដល់ពេលផ្ទេរទៅ Augsburg នាពេលថ្មីៗនេះ៕
