លោក ឈូក ពិសិដ្ឋ អ្នកចាត់ការក្រុមបាល់ទាត់ជម្រើសជាតិកម្ពុជា (Team Manager) ប្រាប់ AMS Sports ការប្រមូលផ្ដុំក្រុមអាយុក្រោម២៣ឆ្នាំកម្ពុជាត្រៀម AFF U23 Championship 2022 អាចនឹងធ្វើឡើងនៅដើមខែកុម្ភៈ ឆ្នាំ២០២២។ ការប្រមូលផ្ដុំដើមខែកុម្ភៈនេះដើម្បីទុកឱកាសឲ្យក្លិបនីមួយៗបានរៀបចំក្រុមផងដែរ។
ការប្រកួតផ្លូវការនឹងចាប់ផ្ដើមនៅពីថ្ងៃទី១៤ ដល់ថ្ងៃទី២៦ ខែកុម្ភៈ ឆ្នាំ២០២២។
ទាក់ទងទៅនឹងរូបមន្ដប្រកួតវិញ លោក ឈូក ពិសិដ្ឋ ប្រាប់ថា អាចនឹងយកក្រុមលេខ១តាមពូលទាំង៣ បូកនឹងក្រុមលេខ២ល្អមួយក្រុមទៅប្រកួតវគ្គពាក់កណ្ដាលផ្ដាច់ព្រ័ត្រ។ យ៉ាងណា គិតត្រឹមពេលនេះ លោកកំពុងរង់ចាំទទួលរូបមន្តផ្លូវការពីសហព័ន្ធកីឡាបាល់ទាត់អាស៊ីអាគ្នេយ៍ដូចគ្នា៕
