នៅពីក្រោយអាជីពជាកីឡាករគុនខ្មែរលំដាប់ជួរមុខមួយរូប គង់ សំបូរ ក៏មានបទពិសោធជាជំនួយការចុងភៅផងដែរ ដោយកំពុងព្យាយាមហាត់រៀនបណ្ដើរៗ ពីប្រធានចុងភៅដើររោងការ និងកម្មវិធីនានា ដែលត្រូវជាឪពុកមាររបស់ខ្លួន។ ទោះបីជាបច្ចុប្បន្នបានត្រឹមឆ្លៀតពីការឡើងសង្វៀន ដើរតាមរោងជាមួយឪពុកមារម្ដងម្កាលក៏ពិតមែន ប៉ុន្តែកីឡាករជើងធ្ងន់ម្នាក់នេះ បានបង្ហើបពីគោលដៅថា រូបគេក៏មានចំណង់ចំណូលចិត្តហាត់រៀន វិជ្ជាចុងភៅឲ្យបានចេះស្ទាត់ នៅពេលខាងមុខ ដោយសន្សំចិត្តថាចង់ងាកចាប់អាជីពនេះវិញក៏បាន នៅពេលដែលឡើងប្រកួតលែងបាន។
គង់ សំបូរ មានកូនចិត្តចាប់ជំនាញចុងភៅ ពេលអស់អាជីពលើសង្វៀន
លោក ប៉ែន សុផាន់ណា ជាអ្នកផលិត និង យកព័ត៌មានកីឡា ដែលបានឆ្លងកាត់បទពិសោធខ្ពស់ ពីប្រព័ន្ធផ្សព្វផ្សាយដ៏លេចធ្លោមួយចំនួន ទាំងទូរទស្សន៍ និង អនឡាញ។ លោក សុផាន់ណា កំពុងបម្រើការងារជា អ្នកផលិត ព័ត៌មានកីឡា ប្រកបដោយការទទួលស្គាល់ ក្នុងវិស័យព័ត៌មានកីឡានៅ កម្ពុជា រយៈពេលជាង១០ឆ្នាំមកហើយ។ លោក ជាអ្នកផលិត ព័ត៌មានកីឡា និង បទយកការណ៍ អំពីជិវិតកីឡាករ ដ៏មានវិជ្ជាជីវៈ។
