ក្រុមបាល់ទាត់មិនមែនអាជីពចំនួន៤ ដូចជា Cambodian Football All Stars ហៅ CFA., PHUM 05 F, XO United FC និង B3 KH បានជួបជុំគ្នាប្រកួតដណ្ដើមពានរង្វាន់មិត្តភាពសប្បុរធម៌មួយកាលថ្ងៃសៅរ៍ ទី០៤ ខែមីនា នាទីលានបាល់ទាត់ព្រៃទា។
លោក អៃ សំអូន តំណាងក្រុមបាល់ទាត់ Cambodian Football All Stars ប្រាប់ AMS Sports ថា ការប្រកួតលើកនេះត្រូវបានធ្វើឡើងដើម្បីស្វែងរកថវិកាជួយបុរសម្នាក់ដែលជួបគ្រោះថ្នាក់ឆក់ខ្សែភ្លើងត្រូវកាត់ដៃចោលទាំងសងខាង។
គួរដឹងដែរថា បុរសជួបគ្រោះថ្នាក់ឆក់ខ្សែភ្លើងមានឈ្មោះថា អុិន ខន រស់នៅភូមិដូនតំ ឃុំឈូកខ្សាច់ ស្រុកបារាយណ៍ខេត្តកំពង់ធំ។ លោកជាបុរសពោះម៉ាយកូនមួយ ហើយបច្ចុប្បន្នកំពុងរស់នៅជាមួយឪពុកម្តាយដែលមានជីវភាពក្រលំបាក៕
