អ្នកស្រី ចេនឡា បញ្ចពិធកល្យាណី ក្នុងនាមជាម្តាយនិងក៏មានអាជីពជាអ្នកផលិតមាតិកាលើបណ្តាញសង្គមបានលើកឡើងថាទោះបីជាបច្ចុប្បន្នរវល់និងការងារយ៉ាងណាក្តីក៏អ្នកស្រីតែងតែលៃពេលសម្រាប់ចូលរួមសកម្មភាពកីឡាជាប្រចាំ។ អ្នកម្តាយវ័យ៣២ឆ្នាំបន្តថាការលេងកីឡាពិតជាបានជួយយ៉ាងច្រើនសម្រាប់គាត់ដូចជាបានបន្ធូរសម្ពាធនានាពីការងារ ការពង្រឹងនៅស្មារតីក្នុងការបង្កើតគំនិតថ្មីៗ ពិសេសនោះគឺជួយសុខភាពរាងកាយឱ្យមានភាពរឹងមាំ។
កូនអ្នកភ្នំពេញដដែលក៏បានលើកទឹកចិត្តយ៉ាងខ្លាំងដល់ប្រជាជនកម្ពុជា និងអ្នកម្តាយនានាឱ្យចាប់ផ្តើមលេងកីឡាទាំងអស់គ្នាដើម្បីសុខភាព។ លើសពីនេះអ្នកម្តាយកូនពីរដដែលក៏បានណែនាំនៅប្រភេទកីឡាថ្មីមួយសម្រាប់អ្នកមានចំណាប់អារម្មណ៍លេងកីឡាប្រើប្រាស់រ៉ាកែត។
អ្នកស្រី ចេនឡា បញ្ចពិធកល្យាណី ក្នុងនាមជាមនុស្សដែលមានការមមាញឹកនិងការងារយ៉ាងណាក្តី គិតមកដល់ពេលនេះគាត់ពិតជាសកម្មក្នុងវិស័យកីឡា តួយ៉ាងអាចលេងបាន Yoga, កីឡាវាយសី, កីឡាវាយកូនបាល់, និងកីឡាថ្មី Pickleball ផងដែរ៕
