អ្នកនិយមកីឡារត់ជាង៨០០នាក់ទាំងជាតិ និងអន្តរជាតិ ចូលរួមកម្មវិធីរត់កម្សាន្ដដើម្បីសប្បុរសធម៌ ឆ្នាំ២០២៥ នៅព្រឹកថ្ងៃអាទិត្យ ទី០១ ខែមិថុនា (SuSu Dream Run 8k Charity Run) នៅផ្លូវផ្សារជីបម៉ុង២៧១។ ជាង៨០០នាក់នេះជាចំនួនដ៏ច្រើនមួយលើសពីការរំពឹងទុកសម្រាប់ព្រឹត្តិការណ៍ដែលទើបត្រូវបានរៀបចំឡើងដោយក្រុមអ្នកស្រលាញ់កីឡារត់ SuSu Running Club និង KK Running Club ជាលើកទី១។
លោក Johnson Lo សមាជិកក្រុម SuSu Running Club ថ្លែងថា ព្រឹត្តិការណ៍នេះធ្វើឡើងដើម្បីផ្ដល់ភាពសប្បាយរីករាយ និង ជួយជាសប្បុរសធម៌ដល់អង្គការកុមារនានា។ លោកថា ដំបូងឡើយមានតែប្រមាណ៥០០នាក់ប៉ុណ្ណោះបានចុះឈ្មោះ តែការចុះចុងក្រោយ មានដល់ទៅ៨០០នាក់។
សមាជិកក្រុម SuSu Running Club ថ្លែងថា ដោយសារតែទទួលបានការគាំទ្រច្រើនពេលនេះ នឹងព្យាយាមរៀបចំព្រឹត្តិការណ៍ក្រោយៗទៀតឱ្យបានកាន់តែធំ និងពិសេសជាងលើកទី១៕
