វីរបុរសរបស់ Barcelona ខ្សែបម្រើ Andres Iniesta បានទទួលការវះកាត់របួសដាច់សរសៃរសាច់ដុំជើងខាងស្ដាំ ដែលធ្វើឱ្យ ខ្សែបម្រើរូបនេះ ត្រូវអវត្តមានពីទីលានប្រកួតរយៈពេល៤ខែ នេះបើតាមការចុះផ្សាយរបស់សារព័ត៌មាន SPORT។
កីឡាកររបស់ក្រុមជប៉ុន Vissel Kobe ទទួលការវះកាត់ដោយជោគជ័យ នៅទីក្រុងបារសេឡូណា ក្រោយរងរបួសក្នុងការប្រកួតវគ្គ៨ក្រុមចុងក្រោយនៅ AFC Champions League ទល់នឹង Sowon Bluewings។
សូមរំឭកថា Iniesta ធ្លាប់ចំណាយពេល១៦ឆ្នាំ លេងនៅឈុតធំរបស់ Barcelona មុនពេលផ្លាស់មកចូលរួមក្លិបជប៉ុននៅឆ្នាំ ២០១៨៕
