Fulham ដែលបានវិលទៅកាន់ក្របខណ្ឌ Premier League វិញនោះ បានប្រកាសពីការផ្ទេរអ្នកចាំទី Alphonse Areola ពី Paris Saint-Germain លើកិច្ចសន្យាខ្ចីមួយរដូវកាល ក្នុងគម្រោងទិញដាច់ផងដែរ។
កីឡាករមានឪពុកម្ដាយជាជនជាតិហ្វីលីពីន តែកើតបារាំងរូបនេះធ្លាប់បានចំណាយពេលនៅរដូវកាល ២០១៩/២០ លេងឲ្យ Real Madrid លើលក្ខខណ្ឌខ្ចីដូចគ្នាពី PSG។
Areola ចូលហាត់នៅ PSG តាំងពីឆ្នាំ ២០១០ និងចូលក្រុមធំឆ្នាំ២០១៣។ គេបាត់បង់កៅអីនៅ Stade de Prince ក្រោយការមកដល់របស់ Keylor Navas ពី Real Madrid នៅរដូវកាលមុន។
Areola វ័យ២៧ឆ្នាំស្ថិតក្នុងបញ្ជីឈ្មោះប្រកួត FIFA World Cup 2018 ដែលបារាំងក្លាយជាជើងឯក៕
