សល់តែ៥ថ្ងៃទៀតប៉ុណ្ណោះ ព្រឹត្តិការណ៍ប្រកួតប្រជែងជើងឯកយុវជនទ្វីបអាហ្វ្រិកអាយុក្រោម១៧ឆ្នាំ U17 Africa Cup of Nations ត្រូវធ្វើក្នុងប្រទេសម៉ារ៉ុក ប៉ុន្តែត្រូវបានសហព័ន្ធកីឡាបាល់ទាត់ទ្វីបអាហ្វ្រិក CAF សម្រេចចិត្តលុបចោល។
ការសម្រេចចិត្តនេះត្រូវបានធ្វើឡើងដោយគណៈកម្មាធិការនៃសហព័ន្ធកីឡាបាល់ទាត់ទ្វីបអាហ្វ្រិកកាលពីថ្ងៃចន្ទ។
ការសម្រេចចិត្តនេះត្រូវបានធ្វើឡើងដោយផ្អែកលើការលំបាករបស់ក្រុមជម្រើសជាតិមួយចំនួន រួមទាំងម្ចាស់ផ្ទះផងដែរ។ បន្ថែមពីលើនេះ ក៏គួបផ្សំនឹងការលុបចោលព្រឹត្តិការណ៍ U17 World Cup របស់ FIFA ផង។
ដោយឡែក ពាន U20 ទ្វីបអាហ្វ្រិកទើបលេងចប់ថ្ងៃសៅរ៍មុន ដោយហ្គាណាជាជើងឯក៕
