កំពូលអ្នកប្រដាល់ជើងចាស់ថៃ saenchai បានប្រកាសដោយផ្ទាល់នៅថ្ងៃនេះ ពីការតេស្តឃើញវិជ្ជមានកូវីដ១៩។ លោកបានសម្ដែងការសោកស្ដាយជាខ្លាំង និងសូមទោសចំពោះ មនុស្សទាំងឡាយដែលលោកបានពាក់ព័ន្ធ។
នេះជាដំណឹងដ៏សោកសៅសម្រាប់ក្រុមអ្នកគាំទ្ររបស់លោក ខណៈរបាយការណ៍ អ្នកឆ្លងសរុបនៅថៃថ្ងៃព្រហស្បត៍នេះ មានចំនួន ១៨៧១ ករណី។
ក្នុងវ័យ៤០ឆ្នាំ saenchai ជាជើងខ្លាំងលំដាប់លេខមួយ ដ៏ជោគជ័យជាប្រវត្តិសាស្ត្រ ក្នុងពិភពប្រដាល់ថៃ។ លោកជាម្ចាស់ខ្សែក្រវាត់ Lumpinee ៥ខ្សែ ខ្សែក្រវាត់ Thai Fight ៤ ខ្សែ និងសមិទ្ធផលធំៗជាច្រើនថែមទៀត។ មែនទែនទៅ តារាជើងចាស់ ត្រូវបានគេរាយការណ៍ថា បានរកឃើញវិជ្ជមានតាំងពីដើមសប្ដាហ៍នេះម៉្លេះ មុនពេលដែលលោកចេញមុខ ប្រកាសជាសាធារណៈដោយផ្ទាល់នៅថ្ងៃនេះ។
