ដោយសារមើលឃើញការលិចលង់ជាបន្តបន្ទាប់នាពេលថ្មីៗនេះ ខ្សែប្រយុទ្ធឆ្នើមក្លិបវិសាខា កែវ សុខផេង បានប្រកាសពីការបង្កើតមូលនិធិជួយប្រជាពលរដ្ឋរងគ្រោះ។
សមាជិកក្រុមជម្រើសជាតិបន្ថែមថា ប្រសិនបើសប្បុរសជនឯទៀតមានចំណាប់អារម្មណ៍ អាចផ្ញើថវិកាតាមគណនីធនាគាររបស់គេបាន គឺ កុង ABA លេខ 000344915។
គួរដឹងដែរថា ប៉ុន្មានចុងក្រោយនេះ មានភ្លៀងបង្អុរជារៀងរាល់ថ្ងៃបង្កឲ្យមានទឹកជន់លិចច្រើនកន្លែង។ ជាក់ស្ដែង សូម្បីតែគេហដ្ឋានលោក មាស ចាន់ណា គ្រូបង្គោលក្លិបណាហ្គាវើលដ៍ក៏ត្រូវបានជន់លិចដែរ រហូតលោកបង្ខំចិត្តយកសត្វចិញ្ចឹមទៅទុកនៅស្រុកកំណើតទៀតផង៕
