លោក ឡែម ស៊ីណា នាយករងកម្មវិធីកីឡានៃសហភាពសហព័ន្ធយុវជនកម្ពុជា រាជធានីភ្នំពេញ និងជាប្រធានក្លិបវាយសីភ្នំពេញបញ្ជាក់ថា ព្រឹត្តិការណ៍កីឡាវាយសីពានរង្វាន់មិត្តភាព សហភាពសហព័ន្ធរាជធានីភ្នំពេញ ជាការផ្ដល់ឱកាសដល់យុវជនបានចូលរួមលេងកីឡាវាយសីដើម្បីបំផុសសកម្មភាពកីឡាប្រភេទនេះកាន់តែច្រើនថែមទៀត។
ថ្នាក់ដឹកនាំខាងលើមានប្រសាសន៍បែបនេះក្នុងពិធីបិទការប្រកួតកីឡាវាយសីពានរង្វាន់មិត្តភាព សហភាពសហព័ន្ធរាជធានីភ្នំពេញ កាលថ្ងៃល្ងាចថ្ងៃអាទិត្យ ទី២៩ ខែតុលា ឆ្នាំ២០២៣។ ការប្រកួតកីឡាវាយសីពានរង្វាន់មិត្តភាព សហភាពសហព័ន្ធរាជធានីភ្នំពេញ នេះត្រូវបានបែងចែកជា២ក្រុម គឺ A និង B ដោយមួយក្រុមៗមាន២វិញ្ញាសា គឺ វាយគូបុរសមិនគិតអាយុ និងវាយគូចម្រុះអាយុ។
សម្រាប់ក្រុមចូលរួមមានចំនួន៨ មានកីឡាករ៥៦នាក់ និងនារី៨នាក់ ដំណើរការរយៈពេល០២ថ្ងៃ៕
