ការទាត់សីដក់ទៅវិញទៅមករៀងរាល់ព្រឹក គឺជាលំហាត់ប្រាណប្រចាំថ្ងៃរបស់ពលរដ្ឋមួយក្រុមដែលជាអ្នកនិយមហាត់ប្រាណនៅសួនច្បារមុខវត្តបទុមវត្តី។
លោក យិន ទូច និងលោក នឹម ឡៃ ប្រាប់ថា ការយកសីដក់មកទាត់លេងទៅវិញទៅមកនេះ មានរយៈពេល៤ទៅ៥ឆ្នាំហើយ ដោយពីមុនពួកលោកក៏ធ្លាប់រត់ និងដើរហាត់ប្រាណដែរ។ លោកថា ការទាត់សីដក់នេះក៏សប្បាយម្យ៉ាង ហើយឆាប់បែកញើស។
ចំណែកលោក នាង សារិន ជាបុគ្គលិកអង្គការមួយកន្លែងឱ្យដឹងថា ដំបូងឡើយត្រូវបានសមាជិកឯទៀតហៅសាកទាត់លេងៗ ក៏ចាប់អារម្មណ៍ និងបានប្រែជាលំហាត់ប្រាណប្រចាំថ្ងៃតែម្ដង។
លោក យិន ទូច លោក នឹម ឡៃ ក៏បានស្វាគមន៍ដល់មហាជនឯទៀតដែលចង់ចូលរួមទាត់លេងជាមួយក្រុមលោកផងដែរ៕
______________ តាមដានព័ត៌មានថ្មីៗពី AMS Sports លើ Telegram៖ https://t.me/SPORTAMS #AMS_SPORTS #AMS #ដើម្បីកីឡា
