ជឿជាក់ថាមិនដល់ពេលនេះអាចមានអ្នកខ្លះនូវមានការយល់ច្រលំ ឬពុំទាន់បែងចែកដាច់ថាអ្វីទៅជាកីឡាប៊ីយ៉ាតាមរយៈកិច្ចសម្ភាសន៍របស់ AMS Sports យុវជន ពុធ ច័ន្ទដារ៉ា អតីតកីឡាករជម្រើសជាតិកីឡាប៊ីយ៉ាកម្ពុជាបានស្រាយបំភ្លឺច្បាស់ៗថាកីឡាប៊ីយ៉ាគេបែងចែកជា៣ប្រភេទ ឈ្មោះ និងរបៀបលេងខុសៗគ្នា។
ដោយយុវជនវ័យ ២៥ឆ្នាំដដែលបន្តថាកីឡាប៊ីយ៉ានេះនៅក្នុងប្រទេសកម្ពុជាបច្ចុប្បន្នមាន៣ប្រភេទរួមមានស្នូកឃ័រ ភូល និងការ៉ុម ដោយខុសគ្នាបន្តិចបន្ទួចពាក់ព័ន្ធជាមួយនិងក្តារប្រកួត គ្រាប់ និងក្បួនច្បាប់មួយចំនួនទៀត។
ស្របគ្នានេះដែរ កូនអ្នកស្វាយរៀងរូបនេះក៏បានអំពាវនាវដល់មហាជនកម្ពុជាឱ្យបើកចិត្តទទួលស្គាល់អំពីកីឡាប៊ីយ៉ា ពីព្រោះកីឡាមួយនេះក៏មានគុណសម្បត្តិ និងមានការទទួលស្គាល់យ៉ាងទូលំទូលាយកជុំវិញពិភពលោក។
ពុធ ច័ន្ទដារ៉ា ផ្តើមលេងកីឡាប៊ីយ៉ានេះដំបូងក្នុងឆ្នាំ២០១២ នៅឯខេត្តស្វាយរៀងលេងលក្ខណៈតាមស្រុកភូមិ រហូតដល់ពេលមករស់នៅទីក្រុងភ្នំពេញរូបគេបន្តលេងកីឡាមួយនេះ និងបានទៅចូលប្រកួតប្រជែងក្នុងកម្មវិធីនានាក្នុងស្រុករហូតបានឱកាសលេងតំណាងឱ្យកម្ពុជាក្នុងព្រឹត្តិការណ៍ SEA GAMES កន្លងទៅដែលកម្ពុជាធ្វើជាម្ចាស់ផ្ទះ៕
