ក្រុម Manchester United ទំនងជាពិបាកក្នុងការប្រជែងពាន Premier League នៅរដូវកាលនេះ ក្រោយពួកគេបញ្ចប់លទ្ធផលត្រឹមស្មើ ១-១ ជាមួយ West Brom កាលពីយប់ថ្ងៃអាទិត្យទី១៤ ខែកុម្ភៈ ឆ្នាំ២០២១។
ក្រុមដែលបង្វឹកដោយលោក Ole Gunnar Solskjaer ឈរនៅលេខ២ ក្នុងតារាង Premier League ប៉ុន្ដែមានគម្លាតរហូតដល់ ៧ពិន្ទុជាមួយក្រុមកំពូលតារាង Manchester City ដែលនៅសល់១ប្រកួតក្នុងដៃ។
ទោះមានស្ថិតិមិនសូវល្អ ក្នុងការប្រកួតនៅទឹកដី Old Trafford ប៉ុន្ដែ Man Utd ធ្វើបានលទ្ធផលល្អសម្រាប់ការប្រកួតក្រៅទឹកដី។ បើគិតមកទល់នឹងការប្រកួតស្មើជាមួយ West Brom កាលពីយប់មិញ ក្រុមរបស់លោក Solskjaer រក្សាស្ថិតិមិនបរាជ័យ១៩ប្រកួតនៅក្រៅទឹកដី ហើយពួកគេស្ថិតនៅលេខរៀងទី៤ ក្នុងចំណោមក្រុមដែលមិនបរាជ័យក្រៅទឹកដីច្រើនប្រកួតបំផុតនៅ Premier League ដោយត្រូវការតែ១ប្រកួតទៀតប៉ុណ្ណោះ ដើម្បីតាមស្មើកំណត់ត្រារបស់ Chelsea កាលពីឆ្នាំ២០០៨។
ខាងក្រោមនេះ ជាក្រុមទាំង១០ដែលរក្សាកំណត់ត្រាមិនបរាជ័យក្រៅទឹកដីច្រើនបំផុត។
១. Arsenal មិនបរាជ័យក្រៅទឹកដី ២៧ប្រកួត (ពីខែមេសា ឆ្នាំ២០០៣ ដល់ ខែកញ្ញា ឆ្នាំ២០០៤)
២. Liverpool – ២១ប្រកួត(ពីខែមករា ឆ្នាំ២០១៩ ដល់ ខែកុម្ភៈ ឆ្នាំ២០២០)
៣. Chelsea – ២០ប្រកួត(ពីខែធ្នូ ឆ្នាំ២០០៧ ដល់ ខែធ្នូ ឆ្នាំ២០០៨)
៤. Manchester United – ១៩ប្រកួត(ពីខែកុម្ភៈឆ្នាំ២០២០ ដល់ បច្ចុប្បន្ន)
៥. Manchester City – ១៤ប្រកួត(ពីខែកុម្ភៈ ឆ្នាំ២០១៨ ដល់ ខែធ្នូ ឆ្នាំ២០១៨)
៦. Leicester City – ១២ប្រកួត(ពីខែមេសា ឆ្នាំ២០១៥ ដល់ ខែធ្នូ ឆ្នាំ២០១៥)
៧. Aston Villa – ១២ប្រកួត(ពីខែមីនា ឆ្នាំ១៩៩៨ ដល់ ខែធ្នូ ឆ្នាំ១៩៩៨)
៨. Tottenham Hotspur – ១២ប្រកួត(ខែសីហា ឆ្នាំ២០១៥ ដល់ ខែកុម្ភៈ ឆ្នាំ២០១៦)
៩. Leeds United ៩ប្រកួត (ពីខែមករា ឆ្នាំ២០០១ ដល់ ខែមេសា ឆ្នាំ២០០១)
១០. Sheffield United ៩ប្រកួត(ពីខែសីហា ឆ្នាំ២០១៩ ដល់ ខែធ្នូ ឆ្នាំ២០១៩)
១១. Everton – ៨ប្រកួត (ពីខែវិច្ឆិកា ឆ្នាំ២០១៥ ដល់ ខែមីនា ឆ្នាំ២០១៦)
១២. Brighton – ៨ប្រកួត(ខែកុម្ភៈ ឆ្នាំ២០២០ ដល់ ខែកញ្ញា ឆ្នាំ២០២០)
១៣. Wolves – ៧ប្រកួត(ខែសីហា ឆ្នាំ២០១៩ ដល់ ខែធ្នូ ឆ្នាំ២០១៩)
១៤. Southampton – ៧ប្រកួត (ពីខែកញ្ញា ឆ្នាំ២០២០ ដល់ ខែធ្នូ ឆ្នាំ២០២០)
១៥. West Ham – ៧ប្រកួត (ពីខែវិច្ឆិកា ឆ្នាំ២០០៨ ដល់ ខែមករា ឆ្នាំ២០០៩)
១៦. Newcastle – ៧ប្រកួត (ពីខែវិច្ឆិកា ឆ្នាំ២០០៣ ដល់ ខែកុម្ភៈ ឆ្នាំ២០០៤)
១៧. Fulham – ៦ប្រកួត (ពីខែមីនា ឆ្នាំ២០០៤ ដល់ ខែ ខែសីហា ឆ្នាំ២០០៤)
១៨. Crystal Palace – ៦ប្រកួត (ពីខែមីនា ឆ្នាំ២០១៨ ដល់ ខែសីហា ឆ្នាំ២០១៨)
១៩. Burnley – ៤ប្រកួត(ពីខែមិថុនា ឆ្នាំ២០២០ ដល់ ខែសីហា ឆ្នាំ២០២០)
២០. West Brom – ៤ប្រកួត(ពីខែមករា ឆ្នាំ២០១៥ ដល់ ខែកុម្ភៈ ឆ្នាំ២០១៥)
