ក្លិបកីឡាវាយសីភ្នំពេញបានប្រកាសពីកម្មវិធីទទួលការហ្វឹកហាត់តាមបច្ចេកទេសដែលធ្វើឡើងរៀងរាល់ថ្ងៃសុក្រ ដល់ថ្ងៃអាទិត្យ ពោលរៀងរាល់ចុងសប្ដាហ៍តែម្ដង ដោយដំណើរពីការពីវេលាម៉ោង៨ដល់១១ព្រឹក។
បើទោះជាទើបចាប់បដិសន្ធិឡើងរយៈពេលជាង១ឆ្នាំក្ដី ប៉ុន្តែក្លិបវាយសីភ្នំពេញ អាចចាត់ទុកជាក្លិប ដែលកំពុងសម្រួចមហិច្ឆិតាដ៏ធំធេង ក្នុងការរួមចំណែកជាមួយ សហព័ន្ធកីឡាវាយសីកម្ពុជា ក៏ដូចជារាជរដ្ឋាភិបាល ក្នុងការកសាង ធនធានយុវជនដ៏មានសក្ដានុពល សម្រាប់កម្ពុជាប្រជែងលើឆាកអន្តរជាតិ នាពេលអនាគត។
គួរដឹងដែរថា ក្លិបវាយសីភ្នំពេញ មានមូលដ្ឋានក្នុងខណ្ឌជ្រោយចង្វា រាជធានីភ្នំពេញ និងជាក្លិបមួយចំណុះឲ្យ សហភាពសហព័ន្ធយុវជនកម្ពុជា។
ចំពោះការហ្វឹកហាត់ ក្លិបសូមរក្សាសិទ្ធិរៀបចំគ្រប់គ្រងតាមគោលការណ៍ ណែនាំរបស់ក្រសួងសុខាភិបាល និងក្រសួងអប់រំ យុវជន និងកីឡាពាក់ព័ន្ធបញ្ហាកូវីដ១៩៕
