កិច្ចប្រជុំឧត្តមមន្ត្រីកីឡាអាស៊ាន លើកទី១០+ជប៉ុនតាមរយៈ Video conference បានឈានដល់ថ្ងៃចុងក្រោយនៅព្រឹកថ្ងៃព្រហស្បតិ៍ ទី០៨ ខែតុលា ឆ្នាំ២០២០ ដែលក្នុងនោះឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា តំណាងឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានដឹកនាំប្រតិភូកម្ពុជា ចូលរួមប្រជុំផងដែរ។
កិច្ចប្រជុំនេះរួមមានរបៀបវារៈដូចខាងក្រោម វឌ្ឍនភាពការងារប្រចាំឆ្នាំ, លើកទិសដៅការងារ ឆ្នាំ២០២១ និងអនុម័តផែនការការងារកីឡាអាស៊ាន ឆ្នាំ២០២១-២០២៥។
មិនតែប៉ុណ្ណោះ ការដេញថ្លៃរបស់អាស៊ានធ្វើម្ចាស់ផ្ទះ FIFA World Cup 2034 និងការ ចុះ MOU ជាមួយ World Anti-Doping Agency (WADA) ដើម្បីពង្រឹងបន្ថែមក្នុងការប្រយុទ្ធប្រឆាំងនឹងសារធាតុហាមឃាត់ក្នុងកីឡា ក៏ស្ថិតក្នុងការពិភាក្សា៕
